Mi ta korda ku m'a lesa un bia ku algun hende ta uza idioma pa skonde pensamentu, pero den mi eksperiensha, hopi mas hende ta uz'é na luga di pensa sufisientemente.

Konbersashon di un komersiante mester wordu diktá pa menos regla i regla mas simpel ku kwalke otro funshon di animal humano. Nan ta:

Soru pa bo tin algu di bisa.

Bis'é.

Stop di papia.

Si un komersiante kuminsá papia prome ku e sa kiko e ke bisa i sigui blabla asta despues ku ela bis'é, esei por resultá den un demanda legal of asta su kiebra finansiero. E prome un ta un ruta direkto pa esun di dos. Ami tin un departamentu huridiko aki ku ta kostami hopi plaka, pero e ta yudami keda sin drenta den kontakto ku lei.

Na okashonnan pafo di trabou, no ta un problema rèk un konbersashon komo sifuera e ta un keiru riba un Dadumingu - parandu aki i aya pa piki flor, na mod'e papia. Manera ora bo topa ku un dams of ora bo ta papiandu ku amigu despues di a goza di un bon kuminda. Den ofisina si, bo frasenan mester kortiku i al kaso. Legumai e introdukshon i e rekapitulashon i para prome ku bo yega na "segundamente...". Bo mester prediká sermonnan kortiku pa gara e pekadonan; i diákononan no ta kere ku nan mes tin mester di sermon largu. Duna sokete prome i hende muhe ultimo palabra. E karni semper ta den meimei di e sènwich. Maske, un tiki manteka kada un banda no ta malu si e ta pa un hende ku ta gusta manteka.

Korda tambe ku ta mas fasil pa aparentá sabí ku ta pa papia sabiduria. Bisa menos ku e otro persona i skucha mas ku bo ta papia; pasobra ora un hende ta skuchandu, e no ta traisionandu su mes i e ta gabandu esun ku si ta traisionandu su mes. Duna mayoria di hende homber un bon skuchado i mayoria di hende muhe papel i nan lo konta tur loke nan sa. Plaka ta papia -- pero solamente ora so doño tin un lenga largu, i e ora ei tur su remarkenan ta ofensivo. Pobresa tambe ta papia, pero ningun hende ke tende loke e tin di bisa.